Usa ka 40-anyos nga lalaki nasikop tungod sa giingong pag-abuso sa bata niadtong nakalabay nga gabii sa Purok 5, Barangay Catarman, Cordova, Cebu.
Ang suspetsado, nailhan sa alias nga “Eleazar”, usa ka residente sa maong barangay ug stepfather sa mga biktima, nadakpan sa hot pursuit operation sa Cordova Municipal Police Station.
Gisumbong sa duha ka menor de edad nga biktima, edad 13 ug 11, uban sa ilang inahan, nga giatake sa suspetsado sa ilang balay mga alas 8:00 sa gabii.
Sumala sa report, nagsugod ang insidente human miuli ang lalaki nga naglagot ug kalit nga gihapak ang ulo sa mga bata.
Human sa report, dali dayon nga gihimo sa mga pulis ang hot pursuit operation ug nadakpan ang suspetsado. Gisultihan siya sa rason sa iyang pagkasikop ug sa iyang mga katungod.
Karon, anaa siya sa kustodiya sa Cordova MPS ug giatubang ang kaso sa RA 7610, ubos sa seksyon sa “other forms of child abuse” (duha ka counts). Ang mga biktima gi-refer sa Rural Health Unit sa Cordova alang sa medikal nga eksaminasyon ug dokumentasyon.
Gipadayag ni PCOL Abubakar Udang Mangen Jr., Cebu Police Provincial Director, ang kusog nga suporta sa pagpanalipod sa kabataan.
Gipahimangnoan sa otoridad ang publiko sa pag-report dayon sa bisan unsang kaso sa pag-abuso aron masiguro ang paspas nga aksyon sa pulis.
Source: CPPO
I via Renante Socia Lada