Nadakpan ang usa ka 24-anyos nga lalaki atol sa buy-bust operation nga gilusad sa Philippine Drug Enforcement Agency (PDEA)-7 uban ang kapulisan sulod sa usa ka condo unit sa Barangay Tisa, Cebu City, niadtong Sabado, Setyembre 13, 2025.
Sa operasyon, nakumpiskar gikan sa suspetsado ang marijuana kush, marijuana vape cartridge, ug shabu. Ang operasyon nahimo human makadawat og impormasyon ang mga awtoridad kalabot sa iligal nga kalihokan sa condo unit.
Sumala sa balaod, ang pagpamaligya og iligal nga drogas, bisan unsa pa ang kantidad o klase, adunay tukmang silot nga ipahamtang batok sa madakpan ug mapamatud-an.
Gipadayag sa PDEA-7 nga padayon silang magpatuman og lig-on nga supply reduction operations aron mapugngan ang pagpakatap sa iligal nga drogas sa Central Visayas.
Kasamtangan, ang suspetsado gidala sa kustodiya sa PDEA ug mag-atubang og kasong kalapasan sa Comprehensive Dangerous Drugs Act of 2002.
Source: PDEA-7
I via Renante Socia Lada