Nakabsan sa kinabuhi ang usa ka driver sa motorsiklo human napasok sa bus.
Ang aksidenti nahitabo pasado alas 10:00 kagabii, Desyembre 14, 2023, didto sa Barangay Montañeza, lungsod sa Malabuyoc, probinsya sa Sugbo.
Ang biktima giila sa Malabuyoc Police Station na mao si John Edward Cerella, 35 anyos ang panuigon, residenti rapud sa maong lugar.
Naila usab ang suspetsado na driver sa bus na mao si Dandy Garces, 5O anyos ang pangidaron, taga lungsod sa Alcoy.
Sa inbestigasyon sa Malabuyoc Police Station nasayran na ang duha ka sakyanan nagbiyahi sa opposite direction diin sa pag abot sa naasoy na lugar nibangga ang driver sa motorsiklo sa nagdagan na bus.
Sa kakusog sa dagan sa motorsiklo napasok sa bus si Cerella na maoy hinungdan sa iyang kamatayon.
Sa pagkakaron padayon na gitanggong ang driver sa bus ug gihimo pa usab ang panagsabot-sabot sa duha ka habig. (Renante Lada, photo credits to the owner)