Wala nay kinabuhi nga niabot sa tambalanan ang usa lalaki human nalumos. Pasado alas 2:00 kagahapon sa hapon, Marso 19, 2023, nahitabo didto sa Barangay Santa Filomena, Lungsod sa San Fernando, Probinsya sa Sugbo.
Ang namatay mao si Jay Vergil Malinao, 19 anyos ang panuigon, residenti rapud sa maong lungsod. Sa imbestigasyon nasayran nga ang biktima uban sa iyang tulo ka mga silingan nanginhas sa maong lugar apan wala kini ka bantay nga kusog ang sulog sa kantilado nga lugar hinungdan nga gianod ug nalumos patay si Malinao.
Dugang imbestigasyon ang gihimo karon sa San Fernando Police Station. (Renante Lada)