Wala ka ipsot sa kamot sa kapulisan sa lungsod sa Cordova ang usa ka lalaki nga adunay armas de fuego sa unang adlaw sa gun ban.
Lunes sa kadlawon, Agusto 28, 2023, gilusad ang check point didto sa National Highway, Barangay Pilipog, lungsod sa Cordova, Sugbo.
Ang suspetsado giila sa Cordova Police Station nga mao si Angelito Piedad Hiyas, 47 anyos ang panuigon, residenti sa Barangay Agus, siyudad sa Lapu-Lapu, tanod ug delivery rider.
Nakuha sa iyang position atol sa maong check point ang usa ka 9MM pistol uban sa mga buhing bala.
Nisuway pa unta pagsibat sa mga nag check point nga pulis si Hiyas apan ila kining nasikop.
Mahinumduman gilusad tibuok nasud sugod kagahapong adlawa sa Comelec ang gun ban nunot sa nagsingabot nga SK ug Barangay Elections.
Sa pagkakaron giandam na ang tukmang kaso batok sa suspetsado. (Renante Lada, photo credits to the owner)