Nakabsan gyud sa kinabuhi ang usa ka lalaki atol sa kasaulugan sa pasko.
Didto kini nahitabo sa Barangay Pulang Bato, Siyudad sa Bogo, Probinsya sa Sugbo, pasado alas 12:00 sa tungang gabii, Disyembre 25, 2022.
Ang biktima giila sa Bogo City Police Station nga mao si Randy Mapait, 28 anyos ang panuigon, may kaipon, residenti rapud sa maong lugar.
Sa gihimo nga imbestigasyon nasayran nga ang biktima paingon unta magkuha sa iyang kaipon sa gitrabahuan niini.
Sa kakusog sa dagan nawad-an kini sa kontrol og na dasmag sa kahoy nga mahogany na maoy hinungdan sa iyang hinalaling kamatayon.
Ang mga sakop sa Bogo City Disaster Risk Reduction Management Office daling ni respondi sa biktima apan nakabsan gyud kini didto sa tambalanan. (Renante Lada, photo courtesy of Bogo City Police Station)