Patay ng usa ka lalaki human gipusil sa daplin sa Highway Tipolo, Barangay Tipolo, Mandaue City, duol sa Gate 2 sa San Miguel Brewery Inc., niadtong alas 10:50 sa gabii sa Enero 9, 2026.
Sumala sa unang impormasyon sa kapulisan, padulong pa unta mosulod sa iyang duty ang biktima nga giila nga Daryll Pucdol, hingkod ang panuigon, usa ka contract worker sa SMBI, sa dihang giduol ug gipusil sa makadaghang higayon sa wala pa mailhing tawo nga naghulat na diay kaniya sa maong lugar.
Human sa pagpamusil, wala magdali ug kalma lang nga milakaw palayo ang suspek sa maing lugar.
Padayon ang lawom nga imbestigasyon sa Mandaue City Police Office aron matino kon targeted attack ba ang nahitabo ug aron mailhan ang suspek ug motibo sa krimen.
Giawhag usab ang publiko nga motabang pinaagi sa paghatag og impormasyon nga makatabang sa pagsulbad sa maong kaso.
I via Renante Socia Lada