Naligo sa kaugalingong dugo ang usa ka lalaki na gipusil atol sa bag-ong tuig.
Didto kini nahitabo sa Barangay Perrelos, dakbayan sa Carcar, pasado alas 5:00 karong buntag Enero 1, 2024.
Ang biktima giila sa Carcar City Police Station na mao si Junde Sagarino Laugan, 35 anyos ang panuigon, nagpuyo rapud sa maong lugar.
Sa pasiunang inbestigasyon nag inom ang biktima uban sa iyang mga higala sa dihang niabot ang mamuno na sakay sa motorsiklo.
Sa way paglangay gipusil sa makadaghang higayon ang biktima na maoy hinungdan sa iyang hinalaling kamatayon.
Sa pagkakarong padayon ang inbestigasyon sa kapulisan aron pagsuta kung si kinsa ang nibuhat sa maong krimin ug unsay motibo niini. (Renante Lada, photo credits to the owner)