Naligo sa kaugalingong dugo ang usa ka lalaki na gipusil patay didto sa National Highway, Barangay Cawayan, lungsod sa Dalaguete Sugbo, pasado alas 6:00 kagabii, Pebrero 27, 2024.
Ang biktima mao si Eric Osorio Villahermosa, 57 anyos ang panuigon, way trabaho, menyo, residenti rapud sa maong lugar.
Sa taho gikan sa Dalaguete Police Station pinaagi ni Police Corporal Robert Cejudo na samtang nag limpyo sa sakyanan ang biktima giduol kini sa duha ka mga lalaki na luwan sa motorsiklo dayon gipusil gamit ang kalibre 45 na armas.
Gisulayan pa unta pagdala sa tambalan apan nabugtuan kini sa iyang kinabuhi.
Ang kapulisan sa maong lungsod pinanguluhan sa ilang hepe na mao si PMAJ Clemente Guieb Ceralde Jr. padayon pa sa inbestigasyon aron pagsuta sa motibo sa maong krimin ug si kinsa ang nimo niini.
(Renante Socia Lada, photo credits to the owner)