Usa ka lalaki nga giila nga si Ritchel Castillo, 43 anyos, alyas “Titing,” ang patay human pusilon sa duha ka wala mailhing lalaki sakay sa motorsiklo kagabii Enero 14, 2025, sa Sitio Cadahuan, Barangay Talamban, Sugbo.
Sumala sa kapulisan, ang biktima usa ka giingong police asset ug adunay live-in partner. Sa wala pa mahitabo ang insidente, gisaysay sa live-in partner nga nakadawat na og mga pagpamahad ang biktima.
Base sa pamahayag sa nakasaksi, ang biktima nagbarog sa tindahan dihang kalit nga miabot ang mga suspetsado sakay sa motorsiklo ug gipusil siya punteriya sa ulo. Ang biktima namatay dayon human sa insidente.
Padayon ang imbistigasyon sa Talamban Police aron masuta ang motibo sa krimen ug mailhan ang mga suspetsado.
Ang insidente nagdala og kahadlok sa mga residente sa lugar samtang nangayo na usab sila og dugang seguridad aron malikayan ang susamang krimen.
I via Renante Socia Lada