Gipahubalo sa Police Regional Office 7 (PRO7) ang dako kaayong pagkunhod sa insidente sa krimen sa Central Visayas sa espesyal nga adlaw sa mga Kasing-Kasing niadtong Pebrero 14, 2025.
Gipasalamatan ni PBGEN Redrico Maranan, Regional Director sa PRO7, ang suporta ug pagsalig sa mga taga-komunidad, nga dako kaayo og natampo sa positibong kausaban sa seguridad sa rehiyon.
Sa preparasyon para sa Adlaw sa mga Kasing-Kasing, gipahigayon sa mga pulis ang lain-laing lakang sa seguridad ug padayon nga gi-monitor ang sitwasyon. Busa, nahimong epektibo ang pagkunhod sa ihap sa mga na-report nga kaso sa krimen.
Niining tuiga, ang ihap sa kaso mikunhod gikan sa 15 niadtong 2024 ngadto lamang sa 2 niadtong 2025 – usa ka pagkunhod nga 86.67 porsyento. Ang maong kalampusan resulta sa operational formula sa peace and order nga naglangkob sa: Enhanced Police Presence (EPP), Quick Response Time (QRT), ug Counteractions batok sa mga grupo nga nalambigit sa droga, kriminal nga sindikato, ug pribadong armado nga grupo (CACGDPAGS).
Gihulagway ni PBGEN Maranan nga ang inobatibong pamaagi sa PRO7 nagpalig-on sa seguridad sa atong komunidad, diin ang kusog nga presensya sa mga pulis ug paspas nga pagresponde nakatabang sa pagpakunhod sa krimen. (Renante Socia Lada)
(Source: PRO7-PIO)