Dead on the spot ang usa ka municipal councilor sa Buenavista, Bohol human gipusil sa riding in tandem.
Ang krimin nahitabo pasado alas 12:30 kagahapon sa udto, Oktobre 6, 2023, didto sa National Highway, Barangay Cangawa, lungsod sa Buenavista, Bohol.
Ang biktima giila sa Buenavista Police Station nga mao si konsehal Danilo Añora Hayag, 56 anyos ang panuigon, incumbent nga konsehal sa naasoy nga lungsod, ug residenti sa Barangay Daet.
Sa imbestigasyon sa kapulisan nasayran nga samtang luwan sa motorsiklo ang biktima padung sa ilang pinuy-anan gisundan kini sa riding in tandem.
Naigo sa kilid ug likod ang konsehal na maoy hinungdan sa iyang hinalaling kamatayon.
Ang kapulisan nag umol og usa ka Special Investigation Task Group aron pagtutok sa pagpusil patay sa biktima.
Sa pagkakaron tanang anggulo ang gisubay sa pagpusil patay ni Hayag ug labi na sa nagsingabot na pinili-ay sa BSKE 2023. (Renante Socia Lada, photo credits to the owner)