Usa ka 45-anyos nga lalaki nga suspektasado nakuhaan og kapin sa usa ka kilo sa gituohang shabu atol sa buy-bust operation nga gipahigayon kagahapon sa adlaw, Septembre 10, 2024.
Didto kini sa Purok San Sebastian, Barangay Buntis, lungsod sa Bacong, Negros Oriental.
Ang nasangpit nga mga nakumpiska nga ilegal nga drugas nitimbang kini og 1,085 gramos nga adunay standard drug value nga PhP7,378,000.00.
Narekober usab ang ubang mga drug paraphernalia nga isumiter usab sa Forensic Unit alang sa pagsusi.
Samtang anaa na sa kustodiya ang suspetsado, giandam na usab ang mga dokumento alang sa tukmang pagpasaka og kaso sa korte sa paglapas sa RA 9165 o Comprehensive Dangerous Drugs Act of 2002.
Gidayeg sa Regional Director, PBGEN ANTHONY A ABERIN, ang mga personahe sa Provincial Drug Enforcement Unit/Provincial Intelligence Unit sa Negros Oriental Police Provincial Office sa malampusong pagsakmit sa maong illegal nga negosyo sa drugas ug pagdakop sa high-value suspect.
“In close coordination with other law enforcement agencies and the support of the Central Visayas community, these drug personalities will all soon be arrested. This objective will be achieved by and through observance of the Police Operational Procedures and due process of law”, segon ni PBGen. Aberin. (Renante Socia Lada and Ting Joe Pepito)
(Source: PRO-7)