Human sa magnitude 6.9 nga linog nga miigo sa probinsya, gipahibalo ni Governor Pamela S. Baricuatro nga nagpagawas ang Cebu Provincial Government og ₱158 milyon nga pinansyal nga tabang alang sa 12 ka LGU sa amihanang parte sa Cebu nga grabe naapektuhan sa linog.
Ang mga LGU nga nakadawat na sa tabang mao ang:
Bogo City (₱15M), Bantayan (₱13M), Borbon (₱13M), Catmon (₱13M), Daanbantayan (₱13M), Madridejos (₱13M), Medellin (₱13M), San Remigio (₱13M), Santa Fe (₱13M), Sogod (₱13M), Tabogon (₱13M), ug Tabuelan (₱13M). Ang paghatag sa mga tseke gihimo sa gawas sa Governor’s Entrance sa Cebu Provincial Capitol kagahapon Oktubre 10, 2025, human sa precautionary evacuation tungod sa linog nga gibati gikan sa Davao Oriental.
Ang Sangguniang Panlalawigan unang nangayo og ₱26 milyon nga dugang pondo para sa emergency relief, apan mas gidugangan pa kini ni Gob. Baricuatro ngadto sa ₱32 milyon aron mas mapalig-on ang mga relief operation sa amihanang Cebu. Ang maong pondo ipang-apod-apod sa Bise Gobernador ug mga miyembro sa Provincial Board aron matabangan ang matag distrito nga adunay mga apektadong komunidad.
Ang alokasyon mao kini: ₱5M alang ni Vice Gov. Glenn Soco, ₱3M kang PB Tining Martinez, ₱3M kang PB Kerie Shimura, ₱3M kang PB Nelson Mondigo, ₱2M kang PB Red Duterte, ₱2M kang PB Mike Villamor, ug ₱1M matag usa sa ubang mga Board Members.
Kini nagpakita sa paspas ug tinud-anay nga aksyon sa Kapitolyo sa paghatag og tabang sa mga biktima sa linog ug sa pagpalig-on sa kalig-on sa matag lungsod aron dali silang makabangon gikan sa kalamidad.
Source: Cebu Province PIO
I via Renante Socia Lada