Midawat si Gob. Pamela Baricuatro ug si Dr. Nikki Catalan sa pito ka bag-ong doktor nga ipadala sa nagkalain-laing lungsod sa Cebu Province ubos sa Doctors to the Barrios Program sa Department of Health.
Ang pito ka doktor nga gi-assign sa mga lungsod mao sila:
• Dr. Karljan Paul Gayloa – Alcoy
• Dr. Andrea Esther Delector – Asturias
• Dr. Guillian Joy Sayson – Boljoon
• Dr. Mae Anne Shailyn Pazon – Compostela
• Dr. Cyrah Gee Delos Reyes – Daanbantayan
• Dr. Ian Josef Pretta – Samboan
• Dr. Juan Carlo Flordeliza – Sibonga
Ang maong programa gituyo aron matabangan ang kakulang sa mga doktor sa mga rural nga lugar ug mapalambo ang serbisyo sa panglawas sa probinsya.
Ang mga doktor mopirma og Memorandum of Agreement uban sa ilang gi-assign nga lokal nga gobyerno sa Marso 11 aron opisyal nga magsugod sa ilang tulo ka tuig nga serbisyo sa komunidad.
Sumala ni Dr. Catalan, dako kaayo ang tabang sa Doctors to the Barrios Program aron masiguro nga bisan ang mga lungsod nga layo sa siyudad adunay access sa maayong serbisyong medikal.
Source: Cebu Province PIO
I via Renante Socia Lada
Renante