Sub-sub na kalampusan ang nahimo sa Police Regional Office 7 diin sulod lang sa tulo ka adlaw kapin sa P100 milyon na shabu ang ilang nasakmit.
Gumikan kana sa agresibo, komprehensibo ug balanse na operasyon sa PRO-7 lukop Central Visayas.
Gikan sa Pebrero 8 hangtod 10, 2024 gipatuman ang regionwide Simultaneous Anti-Criminality Law Enforcement na ni resulta sa pagkasikop sa 652 ka mga suspetsado na nalambigit sa ginadiling drugas, illegal gambling, loose firearms ug wanted persons.
Niabot usab sa 14,796.46 grams sa shabu ang ilang nasakmit na adunay standard drug price na P100,615,928.00 ug P7,200.OO na marijuana, 214 usab ka mga drug personalities ang ilang nasikop.
Samtang 24 usab ang nasikop na nagkupot og illegal na armas ug 157 ka mga wanted persons.
“We reiterate our clear objective against illegal drugs: We will crush all illegal drug activities across Central Visayas through a relentless, well-directed, and comprehensive strategy in line with the BIDA Program of the SILG, Atty Benjamin Abalos Jr and the CPNP’s Focused Agenda,” matod ni PBGen Anthony Aberin. (Renante Lada, photo courtesy of PRO-7)