Cebu: Kapin sa 30 ka mga dancers nakuyapan atol sa parade didto sa Santa Catalina, Negros Oriental

Dili mominos kapin sa 30 ka mga dancers ang nakuyapan atol sa usa ka init na parade.

Didto kini nahitabo sa Barangay Poblacion, Sta. Catalina, Negros Oriental, pasado alas 2:00, sa hapon, Abril 24, 2024.

Sa nakuha nga kasayuran gikan sa kapulisan nga usa ka Pakol Parade ang gipahigayon sa maong lugar.

Sa naglagiting nga kainit sa panahon niabot kapin sa 30 ka mga dancers ang nakuyapan nga daling gitabang sa mga sakop sa local disaster team.

Mahinomduman nga ang kainiton sa panahon sa mga nakalabay nga adlaw nagsaka diin dilikado kini sa heat stroke ug sakit sa panit.

Padayon pa usab nga gisuta sa kapulisan ang maong panghitabo nga daghang mga dancers ang nakuyapan. (Renante Lada | Ting Joe Pepito)