Sa Facebook page post sa Sugbo News gibutyag nga wala pa gi libkas ni Cebu Gov. Gwen Garcia ang memorandum nga nag suspenso sa mga klase sa tibuok probinsya sa Sugbo tungod sa padayong kainiton sa panahon nga dala sa El Niño phenomenon.
“Right now, abnormal kaayo ang heat index. I will continue to suspend it (class) because we’d rather not be responsible for forcing children to go to school nga ingon ani ka grabe ang kainit,” segon ni Gov. Gwen Garcia.
Mahinomduman nga niadtong Abril 5, 2024 ang gobernadora ni pirma og Memorandum No. 22-2024 nga nag addressed sa tanang mayors ug officials sa Department of Education (DepEd) sa probinsya sa Sugbo, nagmando kini sa pagsuspenso sa tanang klase “until further notice” tungod sa grabing kainiton sa panahon.
Susama usab nga memorandum ang gipagawas sa DepEd 7 Director Dr. Salustiano Jimenez nga gipagawas sa susamang adlawa nga pagsuspenso sa nga klase sa tibuok probinsya sa Sugbo.
“There are those nga moiingon, ‘Da, mao ra gihapon kay ang mga bata magduwa ra gihapon, moadtos gawas.’ Well at least, dili nana responsibilidad sa eskwelahan. Responsibilidad nana sa ginikanan. Or would you rather nga eskwelahan diay magbantay sa inyong mga anak?” dugang ni Gov. Garcia.
Basi usab sa forecast sa PAGASA Mactan ang kainiton sa panahon usab-usab ug padayong nagsaka.
Ning subrang kainiton sa panahon delikado kini heat cramps, heat exhaustion, ug heat stroke.
“Among the symptoms of heat-related illnesses to watch out for are sweating heavily, exhaustion or fatigue, dizziness, blacking out, weak but fast pulse, feeling of nausea, and vomiting,” segon sa PIO SA Probinsya sa Sugbo.
Kanunay giawhag ang tanan nga mag amping ug moinom og daghang tubig. (Renante Lada)
(Source: Sugbo News)
