Mukabat sa kapin 200 ka estudyante gikan sa Cebu City ang nakadawat og ₱20,000 nga educational assistance matag usa ubos sa Bagong Pilipinas Barangay Presidential Scholars Program.
Gipahigayon ang paghatag sa tabang kagahapon Agosto 13, 2026, sa Cordova Sports Complex sa Cordova, Cebu, isip kabahin sa Bawat Barangay Makikinabang Program.
Matud ni Cebu City Mayor Nestor Archival, importante ang maong programa aron matabangan ang mga estudyante sa ilang mga gasto sa pag-eskwela ug aron mas daghan ang makapadayon ug makahuman sa ilang pagtuon.
Ilabi na nga gitutukan sa programa ang mga incoming fourth-year ug graduating college students nga nanginahanglan og dugang pinansyal nga suporta. Ang matag barangay adunay ₱100,000 nga alokasyon para sa lima ka scholars, diin ₱20,000 ang madawat sa matag usa.
Gilauman sa Cebu City Government nga ang maong tabang makatabang sa mga kabatan-onan nga magpabiling naka-focus sa ilang pagtuon, makahuman sa ilang degree, ug makaandam alang sa mas maayong oportunidad sa umaabot.
📸 Cebu City PIO
I via Renante Socia Lada