Sa usa ka hugot nga kampanya batok sa ilegal nga drogas, kapin ₱560.4 milyon nga kantidad ug timbang nga 82.34 kilos sa shabu ug 3.4 kilos nga marijuana ang gisunog atol sa Drug Destruction Ceremony, buntag sa Hunyo 5, 2025, sa Cosmopolitan Funeral Homes, Junquera Street, Cebu City.
Ang kalihokan gipangulohan ni Director Alex M. Tablante, Acting Regional Director sa PDEA-7, uban ang suporta ni PBGEN Redrico A. Maranan, Regional Director sa PRO-7, ug ni PCOL Enrico E. Figueroa, Acting City Director sa Cebu City Police Office (CCPO).
Gilangkuban sa mga gisunog nga ebidensya ang mosunod: 82.34 kg Shabu, 3.4 kg Marijuana,14.7 ml Nalbuphine Hydrochloride, ug 16 ml Ephedrine.
Ang tibuok kantidad sa mga gisunog nga ilegal nga drogas miabot sa ₱560,402,548.
Ang mga substansiya gisunog pinaagi sa thermal destruction process, subay sa mga court orders o mga voluntary surrenders ngadto sa PDEA-7. Gipatuman ang kalihokan ubos sa Republic Act 9165 ug Dangerous Drugs Board Regulation No. 1, Series of 2002.
Gisaksihan sa mga representante sa Department of Justice (DOJ), Public Attorney’s Office (PAO), mga elected officials, civil society organizations, ug media, aron masiguro ang transparency sa pagsunog sa ilegal nga drogas.
Ang pagsunog sa mga ilegal nga drogas usa ka simbolo sa determinasyon sa kapulisan ug partner agencies sa pagsugpo sa ilegal nga drogas ug sa pagprotektar sa katawhan.
Source: CCPO
I via Renante Socia Lada