Balik napud sa bilangguan ang usa ka ex-convict human kini masakpi sa usa ka anti-drug operation sa Sitio Camansi, Barangay Pajo, Lapu-Lapu City niadtong Sabado sa hapon, Mayo 3, 2025.
Ang nadakpan giila nga si Daryl Pelomiana Gabutan, 30 anyos, residente sa Sitio Cabajar, Barangay Guadalupe, Cebu City.
Mga binultong shabu ang nakuha sa iyang position na adunay standard drug value na P6.8 milyon.
Ang operasyon gipasiugdahan sa panaghiusa sa PDEA-7, PNP Drug Enforcement Group – Special Operations Unit 7, ug sa CIU/CDEU sa Lapu-Lapu City Police Office.
Ang suspetsado kasamtangang gi kustodiya sa Lapu-Lapu City Police Office, Jail Facility, samtang giandam ang tukmang kaso na ipasaka ni Gabutan. Gisuta usab karon sa kapulisan ang mga kaubanan sa suspetsado sa ilegal na negosyo.
I via Renante Socia Lada