Wala na makaluwas pa sa kamatayon ang usa ka assistant supervisor human kini gipusil sa wala matino na mga suspetsado, sa Cansaga Bridge, Barangay Paknaan, Mandaue City pasado alas 11:34 sa buntag, Mayo 3, 2025.
Ang biktima giila sa Mandaue City Police Office (MCPO) nga mao si Rudy Ponce, menyo, hingkod ang edad, ug residente sa Barangay Calawisan, Lapu-Lapu City. Naila ang iyang pagkatawo pinaagi sa mga ID nga nakuha sa lugar sa insidente.
Sumala sa mga nakasaksi, usa ka lalaki nga nagsakay og XRM nga motorsiklo nga walay plaka ug nagsul-ob og itom nga chaleko-type jacket, itom nga half-face helmet, ug short pants ang midoul sa biktima ug kalit lang kini gipusil.
Gidali pa og dala sa Paknaan Emergency Response Team ang biktima padulong sa Mandaue City Hospital, apan giingon sa mga doktor nga kini dead on arrival.
Padayon karon ang imbestigasyon sa kapulisan aron masuta ang motibo sa krimen ug mailhan ang suspetsado. Gi-review na usab ang mga CCTV footage sa daplin sa dalan aron makuha ang posibleng dagway o hulagway sa kriminal.
Nagpasidaan ang kapulisan sa publiko nga magmatngon ug mosumbong dayon sa mga otoridad kung adunay kasayuran kabahin sa maong krimen.
I via Renante Socia Lada