Nakabsan sa kinabuhi ang kanhi piniriso human gipusil sa wala matino na suspetsado.
Pasado alas 11 kagabii, Septembre 16, 2022 nahitabo ang pagpamusil, didto sa San Nicholas Proper, Dakbayan sa Sugbo.
Ang biktima giila sa kapulisan sa Cebu City Police Office, station 6, nga si Jason Ababon, 35 anyos ang panuigon, residenti sa Barangay San Nicholas Proper sa mao rang Dakbayan.
Sa gihimo nga imbestigasyon sa kapulisan nasayran nga samtang naglakaw ang biktima sa naasoy nga lugar kalit kining gipusil nga ni resulta sa iyang hinalaling kamatayon gamit ang wala matino nga kalibre sa armas de fuego.
Si Abadon kanhi piniriso sa kasong pagkupot og illegal nga armas,pagpangawat og kalambigitan sa ginadiling drugas.
Sa pagkakaron padayon ang imbestigasyon sa kapulisan aron masuta ang motibo sa maong krimin.
Sutaon usab sa kapulisan kung ang iyang mga kanhi kaso aduna bay kalambigitan sa iyang kamatayon o kaha aduna ba kini gikaaway. (RSL)