Cebu City – Opisyal na nga gibuksan karong adlawa ang pag sugod sa campaign period sa mga kandidato nga midagan sa lain-laing lokal nga position lokop nasud alang sa Mayo 9, nga piniliay.
Komun nga gibuksan sa mga partido sa mga syudad ug lalawigan sa Sugbo ang ilang kalihukan mao ang paghalad ug Santos nga Misa.
Sa Cebu Island, ang One Cebu party misugod sa ilang kampanya, Biyernes, Marso 25, 2022, pinaagi sa caravan nga naga gikan sa lungsod sa Barili.
Pinanguluhan ni Cebu Governor Gwendolyn Garcia ug Deputy Speaker Pablo John Garcia, gibuksan kini nila pinaagi sa Holy Mass sa Barili Municipal Gymnasium.
Sa samang adlaw, sila si Joseph Felix Mari “Ace” Durano ug ang incumbent Vice Governor sa Sugbo Hilario Davide III, kinsa midagan sab sa pagka-gobernador ug bise-gobernador, nitambong sila og Misa sa Simbahan sa Sto. Tomas de Villaueva, nahimutang sa Syudad sa Danao.
Gisundan kini sa caravan sud sa ikalimang distrito sa Sugbo ug grand rally sa Danao.
Samtang ang duha ka dakong political party sa Syudad sa Sugbo, Barug-PDP Laban ug Bando Osmena-Pundok Kauswagan mi sikad na sab sa ilang kampanya.
Ang Bando Osmeña-Pundok Kauswagan ubos sa pagpangulo ni kanhi mayor Tomas Osmeña og iyang asawa, kinsa kasamtangan’g konsehal sa dakbayan sa Sugbo nga kandidato pagka-mayor Margot Osmeña, nihalad og Thanksgiving Mass sa Archdiocesan Shrine of the Our Lady of Guadalupe sa Barangay Guadalupe, Cebu City isip pagbukas sa ilang kampanya.
Samtang didto sa Cebu Metropolitan Cathedral mihalad ug Misa pasalamat ang Partido Barug-Team Rama alang sa unang adlaw sa ilang pagpangampanya karong adlawa.
Gipanguluhan ni Cebu City Mayor Rama ang maong partido sa pagtambong sa misa nga gi-selebrar ni Msgr. Roberto “Boy” Alesna.
Gisunod ang meet and greet sa mga supporters gawas sa simbahan, human sa misa.
Mipahigayon ug Proclamation ang Panaghiusa Party ni manlalaban Floro Casas Jr. ug manlalaban Jose Daluz III alang sa ilang mga kandidato didto sa Viking gym sa Barangay Mambaling, dakbayan sa Sugbo.
Ilang gisuportahan ang kandidatura ni incumbent Mayor Michael Rama ug vice mayoralty candidate Raymond Garcia.
Sa iyang bahin si Cebu City mayoralty candidate Dave Tumulak, didto mitambong ug Thanksgiving Mass sa Holy Cross Parish, sa barangay Basak Pardo.
Gi-anunsyo ni Tumulak ang iyang mga kandidato sa pagka-konsehal sa south ug north district pagka human sa misa.
Sa mosund nga mga adlaw, matod ni Tumulak nga iyang ipahibaw ang iyang kandidato sa pagka-kongresista sa duha sa distriito, lakip na ang bise mayor.
Ang ika-upat nga kandidato sa pagka mayor sa syudad sa Sugbo nga si “whistleblower” Crisologo Saavedra, nag solo sa iyang pag pangampanya sa unang adlawan sa campaign period.
Sa ilang bahin, si Mayor Jonas Cortes, sa Syudad sa Mandaue, ila sab nga gisugdan ang unang adlaw sa kampanya pinaagi sa pagpangaleya ug pag-ampo sa maayong panglawas ug kabaskug, lakip na ang usa ka malinawon nga election.
“Pinaagi sa inyong tabang ug sa tabang sa atong ginoo, atong ipadayon ang pagpalambo sa atong pinalanggang dakbayan sa Mandaue,” mensahi ni Cortes.
Sa Dakbayan sa Lapu-Lapu, buksan ni Mayor Junard “Ahong” Chan ang ilang kampanya sa isla sa Olango ug sundan sa mainland sa Barangay Pajo.
Samtang ang kampo ni Kongresista Paz Radaza, kinsa magpapili sa pagka mayor, mobukas sa ilang kampanya sa Barangay Gun-ob, Syudad sa Lapu-Lapu.
Gitakdang mobisita sa maong kalihukan si Tingog Party List Representative Yeda Romualdez.
Ipahigayon sa Team Deretso ang ilang caravan, alas 4 sa hapon, Sabado, Marso 26, 2022, gikan sa Pakparan, Barangay Marigondon, ngadto na sa usa ka lugar sa Barangay Ibo.
Lokop nasud dunay 18,000 ka mga posisyon alang sa lokal .
Basis sa Comelec records, dunay 18,023 local positions lokop nasud “to be contested” sa mga kandidato. (Jhon Tadlip)
(News & photo courtesy of Respective Social Media Page of the Political parties)
