Gipakusgan sa Cebu City Government pinaagi sa Business Permit and Licensing Office (BPLO) ang kampanya batok sa mga ilegal nga negosyo pinaagi sa hiniusang inspeksyon uban sa Office of City Markets, Cebu City Police Office (CCPO), ug PMFTC.
Gisusi sa mga awtoridad ang mga establisemento aron masuta ang pagbaligya sa peke nga mga produkto, smuggled o ilegal nga sigarilyo nga walay tax stamp, ug uban pang mga produktong supak sa balaod.
Sumala sa siyudad, ang maong operasyon kabahin sa pagpatuman sa City Ordinance No. 2683 aron mapanalipdan ang mga konsumidor, masuportahan ang mga lehitimong negosyante, ug masiguro ang patas ug luwas nga pagdumala sa negosyo sa Cebu City.
Gipahimangnoan usab ang mga negosyante nga mosunod sa tanang balaod ug permit requirements aron malikayan ang pagsuspenso o pagkansela sa ilang business permit.
I via Renante Socia Lada