Usa ka mabulukon nga panagtagbo kagahapong adlawa Hunyo 18, 2024, sa mga representanti sa tulo ka haligi sa hustisya sa goberno, didto sa buhatan ni Acting Mayor Raymond Alvin Garcia.
Matag usa kanila nisaad ug nipakita sa hugot nga suporta sa kasamtangan administrasyon sa dakbayan sa Sugbo.
Si Acting Mayor Raymond Alvin Garcia usab nipakita sa iyang suporta uban sa dakong kalipay sa ilang pagbisita sa iyang buhatan.
“The three offices were the Department of Justice (DOJ), represented by Assistant Secretary Atty. Miko Clavano; National Bureau of Investigation (NBI)-7, represented by Regional Director Attorney Renan Augustus Oliva; and Police Regional Office (PRO)-7, represented by Police Brigadier General Anthony Aberin”, segon sa Cebu City PIO.
“I am very happy that they showed in my presence not only to show support to the LGU but also to show their support that they are one in fighting criminality,” matod ni Acting Mayor Garcia.
Usa sa bug-at nilang gihisgutan ang umaabot nga Palarong Pambansa 2024 na mahitabo sa buwan sa Hunyo.
Gipangandaman pag ayo ang pag host sa dakbayan sa Sugbo sa maong kalihukan uban sa pagseguro sa hapsay ug kalinaw.
Sa kinatibuk-an nagmabungahon ang ilang panagtagbo na napuno sa mga maayong plano ug panglantaw sa kaayuhan sa kadaghanan. (Renante Socia Lada)
(Source: Cebu City PIO)