Naghiusa ang lokal nga kagamhanan sa Mandaue ug Globe Telecom para ilunsad ang Senior Digizen Program – usa ka training program para tudluan ang senior citizens sa husto ug luwas nga paggamit sa smartphone, online services, ug digital applications. Tumong sa programa ang pagpalig-on sa digital literacy aron maprotektahan ang atong mga lolo ug lola batok sa online scams ug digital fraud. Gipresentar ang programa sa courtesy visit sa grupo gikan sa Globe Telecom kang Mayor Thadeo “Jonkie” Ouano karong adlawa, Hulyo 10. Parte kini sa paningkamot sa Globe nga mapalapad ang digital inclusion ug mapauswag ang kahibalo sa senior citizens sa luwas ug responsableng paggamit sa teknolohiya. Sumala sa Globe, ang senior citizens ang kasagarang mabiktima sa online scams. Pinaagi sa Senior Digizen Program, mahatagan ang katigulangan og igong kahibalo ug kahanas para makalikay sa mga hulga sa internet. Gipahayag ni Mayor Ouano ang iyang bug-os nga suporta sa inisyatiba ug gilauman nga mapatuman kini sa dakbayan pinaagi sa Office of the Senior Citizens Affairs (OSCA). Tumong niini nga mas daghang Mandauehanong senior citizens ang makabenepisyo sa programa. 📸 Mandaue City PIO I via Renante Socia Lada