Gitinguha karon ni Cebu City Mayor Raymond Alvin Garcia ug pondo nga P17,975,362,953.00 para sa tuig 2025.
Kini maoy gipahibawo niya karong udto, Lunes, Oktobre 21, 2024 atol sa iyang senimanang press conference diin ang maong budget lakip sa tukion karong Oktubre 23 atol sa regular session sa konseho.
Malaumon si Mayor Garcia nga i-refer kini ngadto sa Committee on Budget and Finance nga gipangulohan ni Konsehal Noel Wenceslao.
Lakip sa mga dagko nga pundo alang sunod tuig mao ang personnel services nga nagkantidad og P2.4 billion pesos, gisundan kini sa Senior Citizens Financial Assistance P1.1 billion, ikatulo ang Engineering Department sa ilang piping and repairing of various streets nga mokabat sa P240 million, financial assistance for barangays P400 million, subsidy to Sangguniang Kabataan P120 million, CHAMP program P400 million, garbage collection and disposal P550 million, scholarship program P331 million, lakip na niini ang miscellaneous expenses for free education P565 million, comprehensive climate change adaptation and mitigation projects P200 million, socialize housing/lot acquisition P450 million, establishment of Cebu City web GIS and art GIS digital P200 million, ug digital traffic system P250 million sa phase 3 og construction sa new legislative building nga P100 million ug DVMF P30 million, ug duna pay uban niini nga gigahinan og pundo sa sunod tuig.
Matud ni Mayor Garcia, duha sa iyang prayoridad mao ang panglawas ug ang housing. Bisan ug wala na’y pondo ang syudad para sa Cebu City Medical Center (CCMC) apan malaumon siya nga mahuman ra ang tambalanan base sa kasabutan nila sa Cebu Medical Society,
“Ang uban nga portion will also be from katong atong agreement with Cebu Medical Society nga sila’y mo continue sa 7th,8th,9th,10th and even eleventh floors. So priority baya nako ang health so that is one of the things perhaps tingali mga hospital equipment nalang once everything is finish mao nay atong iprioriize,” segon ni Mayor Garcia.
“Very much positive. I think the councilors will say, Alleluia! we now a realistic budget, that’s my personal take on it because when I was Vice Mayor we always had difficulty nga sus paeta, 100 bilyon ang gi proposed. Unsaon mani? unrealistic man? 50 bilyon gi proposed. Unsaon man unrealistic mani? 25 bilyon gi proposed, lisud ba! I think this one is a more realistic budget wherein we can really safely say that the duolduol nani sa atong collection,” dugang ni Mayor Garcia. (Renante Lada)
(Source: Cebu City PIO)