Nag buy-od nga wala nay kinabuhi ang usa ka magtutudlo human na kuryintihan sulod mismo sa ilang balay.
Nahitabo kini pasado alas 9:00 sa buntag, Oktobre 21, 2024, didto sa Barangay Giloctog, lungsod sa Barili, Sugbo.
Ang biktima giila sa Barili Police Station na mao si Arlyn Flores Apawan, 38-anyos, nagtudlo sa Giloctog National High School, sa maong lungsod.
Sa imbestigasyon sa kapulisan nasayran nga nakit-an sa amahan ang biktima nga naghigda sa salug nga nagkupot sa wire nga naka sak-sak sa buhi nga kuryinte.
Gisulayan pa unta kini pagdala sa tambalanan apan gi deklarar sa Doktor nga wala nay kinabuhi. (Renante Lada and Ting Joe Pepito)