Cebu City – Naka ginhawa ang Tri-Cities sa grabeng kahoot sa traffic ug pollution sa nagkalain-laing mga kadalanan gumikan sa kagamay lang sa mga nibyahe nga mga pampubliko ug pribadong sakyanan sa All Souls Day, Lunes, Nobyembre 1, 2021, bisperas sa Kala-Kalag.
Buntag pa lang nagsugod na ug ka mingaw ang mga kadalanan sa Syudad sa Sugbo, Mandaue ug Lapu-Lapu.
Sa pag roving sa DYKC News Team, nasaksihan ang ka luag sa mga nagkalain-laing kadalanan gikan sa mga national highway ug pasud na sa mga gagmayng kadalanan.
Sa Dan Colon dako gyud ang diperensya kon itandi sa ordinaryo nga adlaw bisan pa sa panahon sa pandemic.
Ang A.S Fortuna St., sa Dakbayan sa Mandaue, hawan ang karsada, bisan ang pasud ug pagawas nga mga sakyanan sa usa ka mall sa maong lugar, nagmingaw sab.
Sa Mandaue-Mandaue Bridge o first bridge ug sa Marcelo Fernan Bridge tag pila ka minuto ang gintang sa mga sakyanan nga mo-agi.
Niadtong Sabado, nakasinate ug paghoot sa Cebu South Terminal gumikan sa mga nag abot-abot ug nagka dungan nga mga pasahero nga mi-uli sa tagsa tagsa ka lugar alang sa taas nga adlaw nga way trabaho.
Gipaabot nga mag dasok na sab sa mga pasahero gikan sa tagsa tagsa nila ka lugar nga mobalik sa syudad , liwas sa Adlaw sa mga Santos ug sa kalag-kalag.
Gipahibaw nang daan sa Land Transportation Franchising and Regulatory Board nga mopakatap sila sa ilang personnel sa mga nagkalain-laing bus terminal sa Sugbo atoll ning mga adlawa, kanus-a maghogop ang mga diha sa mga terminal aron maka uli sa ilang tagsa tagsa ka destinasyon.
(Source: Traffic Office (Cebu, Mandaue ug Lapu-Lapu, photo courtesy by Jhon Tadlip)