Sa ulahi nga kalambuan nakabsan gyud sa kinabuhi ang igsuon sa Mayor sa Lungsod sa San Isidro Leyte sa nahitabong pagpangambush.
Ang krimin nahitabo pasado alas 4:00 kagahapon sa hapon, Disyembre 21,2022, didto sa National Highway, Brgy. Libongao, Lungsod sa Kananga, Leyte.
Si Juanita Valmoria Veloso, 77, maoy gi ambush patay, igsoong babaye ni San Isidro Mayor Remedio “Bebot” Veloso.
Aduna kini kauban nga kanhi Municipal Administrator sa San Isidro diin naluwas kini sa maong pagpamusil.
Usa ka SUV nga Navarra color gray maoy gisakyan sa mga suspetsado nga nagpaulan og daghang mga bala punterya sa puti nga Toyota Land Cruiser nga adunay plaka (MJC 444) nga gisakyan ni Veloso.
Nakuha sa CCTV camera ang plaka sa Navarra (ABN 7103) gisakyan sa mga mamumuno nga susihon pa karon sa kapulisan kung si kinsa ang tag-iya niini.
Sa pagkakaron tanang angulo ang gisubay sa kapulisan sa Leyte lakip na ang pag background check sa biktima kung aduna ba kini gikaaway. (Renante Lada, photo courtesy of Krusada)