Nagmalampuson ang gihimo nga buy-bust operasyon sa Philippine Drug Enforcement Agency (PDEA-7), ug Police Regional Office (PRO-7), batok sa usa ka High Value Individual.
Didto kini nasikop sa Sitio Soong 2, Barangay Mactan, dakbayan sa Lapu-Lapu, pasado alas 4:00 kagahapon sa hapon, Mayo 19, 2024.
Ang suspetsado naila nga mao si William Abanes Lopez Jr., 32 anyos ang panuigon, taga Sitio Alaska, Barangay Mambaling, siyudad sa Sugbo.
Mga binultong shabu ang nakuha sa posisyon ni Lopez Jr. nga adunay timbang nga 500 gramos ug standard drug value nga P3,400,000.00.
Sa pagkakaron giandam na ang tukmang kaso batok sa tigpayuhot og ginadiling drugas. (Renante Socia Lada)