Patay nga napalgan kagahapon sa buntag, Martes, Agosto 26, ang usa ka hingkod nga lalaki nga nahulog sa Mahiga Creek sa Barangay Banilad sa miaging hapon.
Giila sa iyang pamilya ang biktima nga si Rico Blanco, residente sa Barangay Banilad, Mandaue City.
Sumala sa inisyal nga imbestigasyon, natagak si Blanco sa sapa sa Sitio Mohon 1 pasado hapon sa Lunes, gotuhuan kini nga hubog kaayo. Dali usab nga miresponde ang mga tanod ug rescue team sa Barangay Banilad apan wala dayon nila kini makita bisan pa sa tibuok gabii nga pagpangita.
Kagahapon sa buntag, nakaplagan na lamang ang lawas sa biktima sa Riverside A, Barangay Subangdaku, nga gianod na sa agos sa tubig gikan sa Banilad. Ang kapulisan ug mga barangay responder maoy midala sa lawas alang sa pormal nga dokumentasyon ug pagkahuman gihatod kini sa pamilya.
Sa pagkakaron, padayon pa ang imbestigasyon sa Mandaue City Police Office (MCPO) aron masuta ang tinuod nga hinungdan sa pagkahulog sa biktima sa sapa.
Via Renante Socia Lada