Cebu City – Sa tinguha nga masulbad ang Covid-19 vaccine hesitancy, naghimo ug nagkalain laing promotions ang lokal nga kagamhanan sa Syudad sa Sugbo lakip na ang pagtanyag ug house and lot ug pagpadool sa vaccination sites ngadto sa mga residente.
Samtang ang Visayas Vaccination Operations Center mipasalig sab nga ang Sinovac ug ang ubang nga vaccines nga giturok sa nasud, dawaton alang sa travel ngato sa Estados Unidos ug sa Uropa.
Gibutyag ni Acting Mayor Michael Rama, Oktubre 13, 2021, nga ang syudad molusad ug raffle draw alang sa mga Cebuano kinsa na fully vaccinated na batok sa Covid-19, sa Lunes, Oktubre 18, 2021.
Ang mga premyo naglakip sa house and lot ug brand-new nga sakyanan.
Dugang ni Rama dunay mga pilantropo nga mohatag ug ₱ 100,000 worth of gift certificate sa hotel; ₱ 100,000 worth of scholarships; ₱ 100,000 balor sa groceries ug daghan pang mga premyo.
Sa iyang bahin, mohatag sab si Secretary Michael Dino pinaagi sa Office of the Presidential Assist and for the Visayas ug television sets ug ubang premyo aron pag encourage sa katawhan nga magpa bakuna batok sa Covid-19.
Gitahasan ni Acting Mayor Rama si Konsehal Eduardo Rama nga maoy mo follow up sa house and lot, samtang si Konsehal Raymund Garcia maoy gitahasan nga mo mugna ug dugang gimik sa nagkalain-lain barangay sa Syudad sa Sugbo pag dasig sa mga tawo nga magpa bakuna.
Gianunsyo sab ni Rama nga ang lokal nga kagamhanan mopaladad sa ilang vaccination program pinaagi sa pag abli ug vaccination sites dool sa mga menteryo ug diha sa open spaces sa mga simbahan.
Gipahibaw ni Rama nga ipadayon gihaponan ang vaccination sa mga malls, alang sa dunay schedule sa first ug second dose.
Samtang, si Dr. Jeffrey Ibones, head sa City Health Department nagkanayon nga ilang bout kini nilang sugdan sunod semana, pero ila pang sutaon unsa nga mga menteryo ang i prioritize tungod kay ipadool sab kini sa mga hospital.
Ang syudad sa Sugbo naka bakuna na ug 322,063 ka mga individuals, samtang duna any 4,631 minors ang naka rehistro na sa Pabakunata.com.
Tinguha ni Rama nga mabakuna ug 700,00 gikan sa usa ka milyon ka mga residente sa syudad aron pagkab-ot ug herd immunity.
Visayas Vaccination Operations Center
Gi-awhag sa tigpamaba sa Visayas Vaccination Operations Center (VVOC) Dr. Mary Jean Loreche ang local government units nga mo focus sa pagpang bakuna dili lang sa vaccinations sites kundi himoon nga ang vaccination available pinaagi sa house-to-house scheme o sa barangay level.
Agig tubag sa vaccine preference nga hinungdan sa vaccine hesitancy, matod ni Loreche nga tanang vaccines nga gi administer sa nasud, gawas sa Sputniks sa Gamaleya, dawaton sa Estados Unidos ug Europa sugod sa Nobyembre.
Sigon pa ni Loreche nga basi kini sa guidelines sa Center for Disease Control and Prevention (CDC) ug World Health Organization (WHO).
Ubos sa guidelines, sigon pa ni Loreche nga gidawat sa US ang na aprobahan sa Food and Drug Administration sama sa Pfizer o Comirnaty, Moderna o Spikevac ug J&J Jansen.
Dawaton sab sa US ang listing sa WHO nga dunay Emergency Use, sama sa AstraZeneca o Vaxzevria, Covishield, Sinopharm ug Sinovac.
Subay niini, suma pa ni Loreche nga wa nay rason nga molikay sila sa Sinovac.
(Source: Cebu City Public Information Office | Visayas Vaccination Operations Center)