Nasikop sa mga sakop sa Regional Police Drugs Enforcement Unit 7 (RPDEU 7) ang usa ka 49-anyos nga drug pusher atol sa buy-bust operation mga alas 8:05, Nobiyembre 25, 2024 sa gabii diha sa 2nd Street, Happy Valley, Barangay Guadalupe, Cebu City.
Ang nadakpan mao si Jason Empleo Bangueran, alyas “Aga,” usa ka minyo ug residente sa Barangay Green Hills, San Fernando, Cebu.
Sumala sa RPDEU 7, gipangid-an ang suspek sulod sa pipila ka adlaw, ug nailhan kini nga usa ka High-Value Individual (HVI) sa drug trade.
Nakuha gikan kang Aga ang kapin sa usa ka kilo nga gidudahang shabu nga mokantidad og P7.4 milyones. Ang suspek kasamtangan nga gibalhug sa custodial facility sa RPDEU 7 alang sa dugang imbestigasyon. (Renante Socia Lada)Â