Patay diha-diha ug wala na matabang sa mga nirespondeng rescuer ang usa ka 34-anyos nga electrician human naunay sa iyang dalang screwdriver dihang natumba tungod sa kahubog.
Ang insidente nahitabo alas 1:37, Nobiyembre 26, 2024 sa kaadlawon sa Cardinal Rosales Avenue, Cebu City.
Ang biktima nailhan nga si Rommel Villameno, 34-anyos, minyo, ug residente sa Brgy. Luz, Cebu City.
Sumala sa kapulisan nga ang security guard nga si Renjie Demul maoy nakakita sa patayng lawas ni Villameno. Sa wala pa kini makit-an nga nagbuy-od, nakit-an pa siya ni Demul nga nagbarag-barag samtang hubog.
Ang patayng lawas ni Villameno anaa karon sa St. Francis Funeral Homes sa N. Bacalso Avenue, Cebu City. (Renante Socia Lada)Â