Bisan paman sa Black Saturday apan way hunong ang kuwerpo sa kapulisan sa Police Regional Office (PRO-7) sa paggukod sa mga durugista.
Sa Dakbayan sa Lapu-Lapu nahulog sa mga kamot sa kapulisan sa Lapu-Lapu City Police Office ang usa ka High Value Individual nga babaye pinaagi sa ilang joint operation, gahapon Abril 8,2023, didto sa Sitio Soong II, Barangay Mactan Siyudad sa Lapu-Lapu.
Ang suspetsado giila nga mao si Pamila Salise Legaspo, 43 anyos ang panuigon, kasamtangan nagpuyo sa Barangay Tipolo Siyudad sa Mandaue ug lumad nga taga Surigao Del Sur.
Mga binultong shabu ang nakuha sa iyang position nga gisulod sa usa ka plastic bag, aduna kini timbang nga 3,100 grams ug street value nga kapin sa P21 milyones.
Ang mga sakop sa CIU ug CDEU sa LCPO maoy nilusad sa maong buy-bust nga ni resulta sa pagkasikop sa durugista na babaye.
Sa nasayran nga ang Dakbayan sa Mandaue ug Lapu-Lapu maoy operation ni Legaspo sa dinadilung drugas.
Sa pagkakaron gihimo pa ang dugang imbestigasyon kung si kinsa ang tig supply sa ginadiling drugas sa dinakpan, gihikay na usab ang tukmang kaso batok sa suspetsado. (Renante Lada, photo courtesy of LCPO)
