Nadakpan ang usa ka High-Value Individual (HVI) nga nailhang alias “Unga” sa usa ka buy-bust operation nga gihimo sa kapulisan sa Sitio San Juan, Barangay Mambaling, Cebu City kagahapon Marso 7, 2026, alas 5:33 sa hapon.
Ang operasyon gipahigayon sa City Drug Enforcement Unit (CDEU) sa Cebu City Police Office ubos sa pagpangulo ni PCPT Gabriel P. Mota, ug sa koordinasyon sa Philippine Drug Enforcement Agency Regional Office 7 (PDEA-7).
Sa maong operasyon, nakompiskar sa kapulisan ang pipila ka heat-sealed plastic sachet nga adunay gituohang shabu, buy-bust money ug uban pang butang nga konektado sa ilegal nga drogas. Ang nakuha nga drogas adunay gibug-aton nga 175 gramos ug gibana-banang kantidad nga mokabat sa ₱1,190,000 base sa standard drug price.
Gidala na sa Regional Forensic Unit 7 ang mga nasakmit nga ebidensya aron ipailalom sa laboratory examination ug chemical analysis. Samtang ang nadakpan nga suspek karon gitanggong sa Cebu City Police Office custodial facility ug atubangon ang kaso sa korte tungod sa paglapas sa Republic Act 9165 o Comprehensive Dangerous Drugs Act of 2002.
Source: CCPO
I via Renante Socia Lada