Nagmalampuson ang gihimo na buy-bust operations sa mga sakop Panglao, Bohol, Municipal Drug Enforcement Team batok sa usa ka High Value Individual.
Pasado alas 9:00 kagabii, Hunyo 23, 2023, gilusad ang buy-bust operations didto sa Purok 1, Brgy. Danao, lungsod sa Panglao, Bohol.
Ang suspetsado naila nga si Roel Borja, hingkod ang panuigon, residenti sa Brgy. Tawala, Panglao, Bohol.
Nakuha sa iyang position ang mga binutong shabu nga adunay timbang nga kapin sa duha ka kilo og street value nga P13.7 Milyon.
Si Police Major Andie Liquit Corpus and hepe sa maong Police Station maoy nangulo sa maong operations nga ni resulta sa pagka sikop sa suspetsado.
Si Borja taud-taud na nga gipanid-an sa illegal niining negosyo sa ginadiling drugas og na aktuhan gyud kini nga nag bitbit sa ginadiling drugas.
Sa pagkakaron gisuta pa kung si kinsa ang tig supply sa ginadiling drugas sa dinakpan og giandam na usab nag tukmang kaso niini. (Renante Lada, photo courtesy of Panglao Police Station)