Usa ka malampuson nga buy-bust operation ang nahimo sa Cebu City Police Office batok sa usa ka lalaki nga high-profile individual.
Nahitabo kini pasado alas 11:00 kagabii, Nobiyembre 17, 2024, didto sa Gen. Maxilom Avenue Extension, Barangay Carreta, Dakbayan sa Sugbo.
Ang suspetsado giila sa kapulisan nga mao si Aris Deem Gardoque Razonabe, 41-anyos, lumad nga taga Agusan del Norte, kasamtangang nagpuyo sa 124 Logarta St., Barangay San Roque, Siyudad sa Sugbo.
Si Police Lieutenant Christopher Irwin Sanchez Jr. sa CCPO’s Criminal Investigation Unit (CIU) ug City Drug Enforcement Unit (CDEU), maoy nangulo sa maong operation.
Mga binultong shabu ang nakuha sa iyang position nga adunay standard drug value nga ₱2,108,000.
Si Cebu City Mayor Raymond Alvin Garcia nidayig sa kalampusan nga nahimo sa CCPO.
Sa pagkakaron giandam na ang tukmang kaso batok sa suspetsado isip kalapasan sa Comprehensive Dangerous Drugs Act of 2002. (Renante Socia Lada)
(Source: Cebu City PIO)