Naangol ang hepe sa Santander Police Station ug ang mga kaubanan niini sa nahitabong aksidenti sa kadalanan didto sa National Highway sa Brgy. Nueva Caceres, Oslob, Cebu, kagahapon alas 3 sa hapon, Decembre 12, 2022.
Si Police Lieutenant Michael G. Calaurian, hepe sa Santander Municipal Police Station, ug ang driver sa patrol car nga si PSSg Jeicel Yrauda maoy naangol ug nala dig sa tambalanan.
Sa gihimo nga imbestigasyon sa Oslob Police Station nasayran nga nagbiyahi sa maong lugar ang patrol car paingon sa lungsod sa Santander.
Nisuway sa pag overtake kanila ang Isuzu aluminum van nga gimaniho ni Rio Guiragay nga taga Barangay San Roque,dakbayan sa Sugbo.
Ang maong van nakasmag sa gikasugat nga Toyota Hi Ace GL Grandia nga gimaniho ni Paulino Romas, hingkod ang panuigon, taga Bangcogon, lungsod sa Oslob, kay ni counterflow kini.
Sa kakusog sa dagan nakadasmag usab ang patrol car sa Fuso truck nga gimaniho ni Arnolfo Tenepre,residenti sa Brgy.Poblacion Malabuyoc, Probinsya sa Sugbo.
Sa maong aksidenti nalandug ang hepe uban sa iyang sakop nga pulis.
Dugang imbestigasyon ang gihimo karon sa kapulisan sa Oslob. (Renante Lada)