Malampusong gipahigayon ang “Halad sa Pagtuo 2026” diin halos 7,000 ka mga Cebuano ang mitambong isip kabahin sa selebrasyon sa ika-457 nga Founding Anniversary sa Lalawigan sa Cebu, kagahapong adlawa Agosto 29, 2026.
Gipangulohan ni Acting Cebu City Police Office (CCPO) City Director PCOL Ricky C. Sumalde ang seguridad sa maong kalihokan. Mokabat sa 600 ka mga personnel, lakip ang augmentation forces ug partner agencies, ang gipakatap aron mapadayon ang kalinaw, kahapsay ug kaluwasan sa mga nanambong.
Gibantayan sa mga pulis ang ruta sa 50 ka carroza nga nagdala sa mga patron saint sa nagkalain-laing local government units. Ang prosisyon nagsugod sa Cebu Provincial Capitol ug mitapos sa Cebu City Sports Center. Human niini, gipahigayon ang concelebrated Holy Mass ug ang “Halad sa Pagsayaw” nga gipakita sa pito ka contingents nga nagrepresentar sa lain-laing festival traditions sa Cebu.
Matod sa CCPO, ang kalampusan sa maong kalihokan resulta sa panaghiusa sa mga pulis, augmentation forces, partner agencies, force multipliers, organizers, local government units ug publiko. Gipasalig sa CCPO nga magpadayon kini sa pagserbisyo ug pagpanalipod aron ang mga selebrasyon sa pagtuo, kultura ug tradisyon sa Cebu mapahigayon nga malinawon, luwas ug hapsay.
📸 CCPO
I via Renante Socia Lada
Home Provincial News DYKC Cebu News CEBU: HALOS 7,000 CEBUANO, NITAMBONG SA “HALAD SA PAGTUO 2026”; CCPO GISEGURO...