Nasikop sa kapulisan ang usa ka lalaki nga giingong gibayran og P20,000 aron patyon ang usa ka babaye nga store manager didto sa Cebu Business Park sa nakalabay na semana.
Ang suspetsado nga si Russel Niño Zapeda, 24 anyos, taga Barangay Casili, Consolacion, nasikop pasado alas 11:00 sa gabii, Abril 25, dala ang ebidensiya sama sa pusil ug mga sinena nga gigamit niya sa pagpamusil.
Gisaysay ni Zapeda nga si “Christopher Marapoc” kuno ang nagsugo sa iyang pagpamusil sa biktima nga si Frince Ordiñeza, 24 anyos, taga Sibonga. Gipasaligan siya og bayad nga P20,000 human mahuman ang krimin.
Ang biktima usa ka store manager sa usa ka iladong hotel sa South Road Properties ug giingong posible nga kasina sa trabaho ang motibo, base sa huna-huna sa pamilya.
Nasukod sa imbestigasyon nga gisundan sa gunman ang biktima gikan sa Barangay Luz hangtod Cebu Business Park, ug dihang naghunong ang motor taxi sa traffic light, didto niya gipusil ang ulo sa biktima.
Gibanabana sa una nga motibo kay tulis sa cellphone, apan napamatud-an sa imbestigasyon nga gisugo gyud diay kini nga patyon ang biktima.
Karong panahona, gitinguha sa kapulisan nga madakpan ang mastermind pinaagi sa nagpadayon nga operasyon sa City Intelligence Unit, City Investigation and Detective Unit, City Mobile Force Company, ug Mabolo Police Station.
I via Renante Socia Lada