Usa ka granada nga daan na kaayo ang nakit-an sa canal sa Sitio Adelfa, daplin sa N. Bacalso Avenue, Barangay Kinasang-an, Cebu City niadtong gabii sa Hunyo 27, 2025.
Human masayri ang nahitabo, ang Inayawan Police Station 7, ubos sa pangulo ni PMAJ Keneth Paul Albotra, dali nga nitunga sa lugar.
Si PSMS Rustom Elorde ang nangulo sa grupo nga niresponde ug nakigtabang sa EOD K9 Unit 7 nga gi-head ni PSMS Garry Lunag aron masiguro nga luwas ang palibot.
Ang granada nga ilang nakit-an mao ang NK2 fragmentation hand grenade nga grabe na ka tayaon ug peligroso kung mobuto. Ang granada gikuha dayon sa EOD K9 aron i-dispose.
Ang nakadiskubre sa granada usa ka 27-anyos nga lalaki, single, walay trabaho, ug nagpuyo sa maong barangay.
Gideklarar nga luwas ang lugar pagkahuman sa operasyon. Nangayo ang kapulisan nga kung adunay makit-an nga kadudahang butang, ipahibalo dayon sa mga otoridad aron malikayan ang disgrasya.
I via Renante Socia Lada
#rpndykccebu