Atol sa unang sesyon sa ika-17 nga Sangguniang Panlalawigan, nanawagan ang bag-ong gobernador sa Sugbo nga si Gob. Pamela Baricuatro og panaghiusa ug tinud-anay nga pag-alagad sa katawhan. Gidala niya ang mensahe nga “Ato ang Sugbo,” ug giingon nga ang kalampusan sa probinsya makab-ot lamang kung magtinabangay ang tanang lider, bisan pa man sa politikal nga kalahi-an.
“We are here to start a new era of leadership, one that chooses to unite and work together. Kita ang mga bag-ong lider sa Sugbo nga dili mubabag sa kalambuan ug ihatag sa mga Sugbuanon ang tinud-anay ug kinasingkasing nga serbisyo!” segon ni Gob. Baricuatro.
Gisaad ni Gob Baricuatro nga ang iyang liderato usa ka bag-ong yugto nga puno sa panaghiusa ug pagserbisyo, nga walay pagpili kung kinsa ang kaalyado ug kinsa ang kontra.
Bisan og nakadaog siya og labaw sa 1.1 milyon nga boto batok sa kanhi gobernador nga si Gwen Garcia, mas daghan gihapon ang kaalyado sa kanhi lider nga nakabalik sa Provincial Board. Apan, giila ni Baricuatro nga ang ilang presensya sa iyang panumpa usa ka timaan nga andam sila sa panaghiusa.
“I come before you today not to impose but to invite,” Gov. Baricuatro said. “I need all of you kay I may be the governor, but dili ako-a ang Sugbo. Dili inyo sa Sanggunian. But atong tanan kuyog sa katawhan. ATO ANG SUGBO!,” dugang niya.
Usa sa mga gihatag niyang prayoridad mao ang kalambuan sa sektor sa kahimsog, edukasyon, agrikultura, ug food security. Iyang ipropose ang People’s Budget—usa ka budget nga mas realistic kaysa ambisyoso, ug mas mulihok para sa kaayohan sa katawhan.
Gipangayo niya ang suporta sa Provincial Board aron mapatuman kini.
Sa lebel sa lehislatura, giplano ni Gob. Baricuatro nga ipasa ang Freedom of Information Ordinance ug irebyu ang Cebu Investment Code, Reclamation Ordinance, ug Revenue Code. Apil usab sa iyang plano ang pagtukod og dugang nga mga buhatan sama sa Provincial Tourism Department, Investment Promotion Office, ug Disaster Risk Reduction and Management Office.
Gisuportahan usab sa gobernador ang implementasyon og programa nga susama sa Seal of Good Local Governance (SGLG) sa DILG ug Competitiveness Index (CMCI) sa DTI aron maatol ang tanang lokal nga gobyerno sa pagpangita pa gyud og paagi sa pagpaayo sa ilang serbisyo. Kini, matud niya, usa ka paagi aron maengganyo ang mga LGUs nga mo-perform og mas maayo para sa ilang mga katawhan.
Sa laing bahin, mipadayag usab si Vice Governor Glenn Soco sa iyang suporta. Giila niya ang papel ni Gob. Baricuatro isip “chief executive” ug gitug-an nga ang ilang tibuok Provincial Board andam sa pakigtambayayong.
“In a short while, we will hear the message of our governor, our chief executive, and our partner in governance. Our sacred duty calls us to work together in mutual respect towards a common goal to promote the general welfare and uplift the lives of Cebuanos,” segon ni Vice Gob. Soco.
Source: Cebu Province PIO
I via Renante Socia Lada
#rpndykccebu
#675hzamband
#tandemexpress