Human sa inaugurasyon sa bag-ong na-renovate nga Minglanilla Municipal Plaza, mibuhat og kalit nga pagbisita si Gov. Pamela Baricuatro sa Minglanilla District Hospital sa gabii sa Miyerkules, Disyembre 3, aron personal nga mosusi sa kahimtang sa ospital.
Gisusi mismo sa gobernador ang kondisyon sa pasilidad ug mga operational needs niini samtang nakig-istorya sa mga medical staff aron masabtan ang ilang mga panginahanglan ug kabalaka.
Ang kalit nga inspeksyon kabahin sa padayon nga tinguha sa iyang administrasyon nga mapaayo ang kalidad ug accessibility sa healthcare sa tibuok probinsya.
Sa iyang paglibot, giklaro ni Gov. Baricuatro ang importansya sa kompleto ug maayo nga kagamitan sa district hospitals aron masiguro ang lig-on ug kasaligan nga serbisyo medikal alang sa mga pasyente.
Padayon nga giprioridad sa gobernador ang pagpalambo sa healthcare infrastructure, nga nagpakita sa seryoso nga paningkamot sa probinsyal nga gobyerno nga mapaayo ang health facilities ug serbisyo ubos sa iyang development agenda.
Source: Cebu Province PIO
I via Renante Socia Lada