Segon sa Lokal nga Kagamhanan sa Bogo City nga nakabarog na ang tent city sa ilang 20-hectare nga luna sa Barangay Cogon, nga magsilbing temporaryong puluy-anan alang sa mga pamilya nga nawadan og balay tungod sa linog.
Kini nga inisyatiba gipasiugdahan sa National Government, subay sa mando sa Presidente human sa iyang pagbisita sa Bogo, diin nakita niya mismo ang kahimtang sa mga residente nga naapektuhan ug napugos nga magpuyo sa karsada.
Si Mayor Mayel Martinez ug Vice Mayor Carlo Martinez personal nga nag-ocular inspection sa lugar niadtong Domingo sa gabii, aron tan-awon ang kahimtang sa mga tent ug matino kung unsay dugang nga tabang nga ihatag sa LGU.
Gikatakdang 200 ka tents ang ibutang sa site, diin matag usa makasigo ug pamilya nga adunay hangtod 10 ka miyembro. Gi-apod-apod usab ang sleeping kits ug hygiene kits aron masiguro ang kahimsog ug kahupayan sa mga temporaryo nga kapuy-an.
Gipaningkamotan sa LGU nga kompleto ang tent city sa mga panginahanglanon sama sa pansayan, lutuanan, ug supply sa tubig. Anaa usab ang mga personnel nga magbantay 24/7 aron makahatag dayon og tabang kung adunay emerhensiya.
Alang sa mga gustong mobalhin temporaryo sa tent city, gidasig sa LGU nga makigkonekta kang CBDRRMO Head Rex Leoben Ygot sa numero +63 977 822 2278.
Source: City Government of Bogo
I via Renante Socia Lada