Napakgang ang giingong anomaliya ug pangilkil sa Land Transportation Office Region 7 human sa operasyon sa National Bureau of Investigation nga misangpot sa pagdakop sa usa ka fixer sa Talisay City.
Gidakop sa entrapment operation niadtong Marso 17 si Orlando Padigos Repuela, alyas “Alan,” human modawat og ₱14,100 nga marked money isip bahin sa ₱15,000 nga bayad sa ilegal nga transaksyon.
Sumala sa imbestigasyon, giingong modus sa grupo ang pagproseso og rehistro sa sakyanan bisan walay actual nga inspection ug emission test, ingon man ang pagkuha og driver’s license bisan walay eksamin.
Gi-inquest na si Repuela sa Talisay City Prosecutor’s Office tungod sa paglapas sa Anti-Red Tape Act ug computer-related forgery, samtang nagpadayon ang imbestigasyon sa NBI aron matumbok ang ubang posibleng nalambigit sa maong kalihokan sa Cebu City ug ubang lugar sa rehiyon.
Source: NBI-7
I via Renante Socia Lada