Nahimong madugu-on ang huwebis sa kabuntagon, Septembre 7, 2023, human nahitabo ang enkwentro tali sa mga sakop sa kapulisan ug sa mga sakop sa gituhuang New People’s Army (NPA).
Pasado alas alas 7:35 anang adlawa nag gira didto sa Sitio Ilaod, Barangay Campagao, bukirang dapit sa lungsod sa Bilar, probinsaya sa Bohol .
Matod pa sa kapulisan nga aduna silay nabantayan nga mga grupo sa mga armadong tawo sa maong lugar na maoy hinungdan nga nilusad ang joint operation tali sa mga sakop sa PNP ug AFP.
Nikabat sa unom ka mga tawo nga gituhuang sakop sa mga walhong grupo ang nakalas atol sa maong engkwentro og na recover usab ang mga tag-as nga kalibre sa armas de fuego.
Sa pagkakaron padayon pa nga gipangita ang ubang mga kaubanan sa mga gituhuang rebilde. (Renante Lada, photo credits to the owner)