Dako ang kalipay sa mga Senior Citizen ug Person with Disability (PWDs) sa siyudad sa Sugbo human nila napahimuslan ang libre na serbisyo gikan sa kagamhanan sa dakbayan.
Dul-an sila sa usa ka libo ang nahatagan sa “Halad Pagpangalagad Outreach Program” kagahapong adlawa, Enero 26, 2024.
Ang maong outreach program kabahin sa “Grand Alumni Homecoming ” sa Cebu City Medical Center College of Nursing Alumni Association Inc.
Nagkadaiyang mga serbisyo sama sa libring medical, dental, surgical, ug legal na serbisyo ang gidalit kanila.
Niabag usab ang Research Institute of Ageing and Hwalth sa Cebu Normal University (CNU), Department of Health-7, Cebu City Medical Center ug kagamhanan sa siyudad sa Sugbo. (Renante Lada)
(Source: Cebu City PIO)